×
Bota, 21 janar 2014

Kriza politike në Ukrainë duhet të zgjidhet nga vetë ukrainasit, pa ndërhyrjen e lojtarëve të jashtëm. Në mënyrë po të tillë fatin e Sirisë duhet ta zgjidhin, në radhë të parë, qytetarët e kësaj republike. Ndërsa forcat e jashtme vetëm mund t’i ndihmojnë ata për arritjen e këtij qëllimi. Në këtë rast në zgjidhjen e konfliktin sirian duhet të përfshihen të gjithë lojtarët më të mëdhenj, kryesorë të rajonit.

Procesi i lehtësimit të regjimit të vizave midis Rusisë dhe BE-së është frenuar, në veçanti, prej qëllimit të synuar për të përfituar sa më shumë lëshime nga pala ruse, deklaroi Ministri i Jashtëm rus, Sergei Lavrov, në një konferencë shtypi në Moskë.

Sekretari i Përgjithshëm i OKB-së Ban Ki-moon ka tërhequr ftesën e bërë prej tij delegacionit iranian, duke refuzuar të pranojë si parakusht krijimin e qeverisë kalimtare në Siri.

Pasuria e 85 njerëzve më të kamur - rreth 1.7 trilionë $ - u barazua me pasurinë e gjysmës më të varfër të popullsisë së planetit (rreth 3.6 miliardë vetë). Për këtë njoftohet në studimin e bërë prej organizatës bamirëse Oxfam.

Shpërthimi gjëmoi në selinë e lëvizjes libaneze shiite "Hezbollah" të vendosur në rrethinat jugore të Bejrutit, raporton Agjencia Reuters duke iu referuar njoftimeve të dëshmitarëve okularë. Sipas të dhënave të tyre, mbi ndërtesën e selisë së lëvizjes vërehen shtëllunga të dendura tymi. Detaje të tjera të incidentit tani për tani nuk raportohen.

Gazeta parlamentare "Zëri i Ukrainës" ka publikuar të gjitha ligjet e miratuara më 16 januar nga Verhovna Rada, të cilat kufizojnë të drejtat dhe liritë civile. Dispozitat ligjore do të hyjë në fuqi menjëherë në ditën që pason ditën e publikimit të akteve legjislative - pra, nga ora 24:00 e 22 janarit.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
Janar 2014
Kalendari i ngjarjeve
Janar 2014
3
4
5
6
7
8
12
16
19
26