×
Krimea, Shkurt 2014

Ukraina duhet të mbetet e bashkuar dhe e pandashme, deklaroi Viktor Janukoviç sot gjatë konferencës për shtyp në Rostov-mbi-Don.

Ankesa e Verhovnaja Rada (Parlamentit) të Ukrainës në Këshillin e Sigurimit të OKB-së nuk është gjë tjetër veçse një përpjekje për të legjitimuar veprimet e veta dhe për të ushtruar presion mbi popullsinë e Krimesë, deklaroi Kryetari i Komitetit Ndërkombëtar të Dumës Shtetërore të Rusisë Aleksei Pushkov (Alexey Pushkov).

Presidenti i Rusisë Vladimir Putin ka udhëzuar qeverinë të vazhdojë kontaktet me partnerët ukrainas për zhvillimin e mëtejshëm të marrëdhënieve tregtare dhe ekonomike.

Këshilli i Lartë (Parlamenti) i Krimesë ka miratuar mbajtjen më 25 maj të referendumit për zgjerimin e kompetencave të autonomisë me pyetjen: "A e përkrahni ju vetëvendosjen shtetërore të Krimesë në kuadër të Ukrainës në bazë të traktateve dhe marrëveshjeve ekzistuese ndërkombëtare?"

Trupat e Ministrisë së Punëve të Brendshme dhe policia janë vënë në gatishmëri të lartë në lidhje me zaptimin e godinave të Parlamentit dhe Qeverisë të Krimesë, ka shkruar të enjten në faqen e tij në Facebook i Ngarkuari i përkohshëm me detyrat e Ministrit të Punëve të Brendshme të Ukrainës, Arsen Avakov.

Bota, Ukraina, ushtria, policia, trazira, Krimea, gatishmëri e lartë

I Ngarkuari i përkohshëm me plotfuqishmëritë e Presidentit të Ukrainës Aleksandër Turçinov u bën thirrje ushtarakëve të Flotës së Detit të Zi të Federatës Ruse, që ndodhen në Krime, për të mos dalë përtej kufijve të territoreve të përcaktuara nga marrëveshjet përkatëse.

Personat e armatosur, që kanë zaptuar godinën e Parlamentit të Krimesë, shpërthyen përpara godinës një granatë zhurmuese kur gazetarët ukrainas, rusë, turkë dhe mediave të tjera botërore u përpoqën të hyjnë brenda saj.

Ndërtesat e parlamentit dhe qeverisë së Krimesë të enjten në mëngjes janë zaptuar nga njerëz të armatosur.

Tre njerëz kanë gjetur vdekjen në prag si pasojë e tubimeve dhe përleshjeve në Simferopol. Pranë ndërtesës së Këshillit të Lartë u mblodhën rreth 20.000 njerëz.

Ndërtesa e parlamentit të Krimesë u trondit nga një shpërthim. Një grup protestuesish po përpiqet të çajë rrugën drejt ndërtesës së Këshillit të Lartë të Republikës Autonome të Krimesë në Simferopol, ku pritet të fillojë seanca e jashtëzakonshme për diskutimin e situatës politike në vend.

Autoritetet ruse po fillojnë lëshimin e pasaportave në Krime sipas procedurës së thjeshtuar, njoftojnë mediat ukrainase duke cituar deputetin e Dumës Shtetërore të FR-së Leonid Slluckij, i cili mbërriti me një vizitë në Simferopol.

Përpjekje e dhunshme për përmbysjen e autoriteteve legjitime në vend - kështu e karakterizoi atë që po ndodh aktualisht në Ukrainë Zëdhënësja e Këshillit të Federatës Valentina Matvijenko në takimin me Kryetarin e Këshillit të Lartë të Krimesë Vladimir Konstantinov në Moskë. Nga ana e vet Kreu i Parlamentit të Krimesë deklaroi se nuk e njeh legjitimitetin e çfarëdo veprimi të autoriteteve të Ukrainës të miratuar nën presionin e ekstremistëve.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
Shkurt 2014
Kalendari i ngjarjeve
Shkurt 2014
1
2
3
4
5
6
7
8
9
10
11
12
13
14
15
16
17
18
19
20
22
23
24