Që nga e mërkura në Egjipt nuk po rreshtin trazirat, të cilat filluan pasi forcat e sigurisë nisën shpërndarjen e dhunshme të kampeve me çadra të mbështetësve të Presidentit të rrëzuar nga pushteti, Mohammed Mursi. Autoritetet shpallën gjendjen e jashtëzakonshme, ndërsa në 11 provinca vendosën shtetrrethimin. Sipas të dhënave të fundit, janë vrarë më shumë se 600 njerëz dhe mbi 4.000 të tjerë janë plagosur.