Ndërtuesit e rrugës hekurudhore të shpejtësisë së lartë Crossrail zbuluan një varr masiv të viktimave të murtajës bubonike, e njohur ndryshe edhe si "Vdekja e zezë", ndërsa po hapnin një tunel në Londër.

13 skelete janë nxjerrë tashmë nga punëtorët, ndërkohë që arkeologët shpresojnë të gjejnë më shumë eshtra njerëzore.

Shkencëtarët studiuan me kujdes kockat, duke arritur paraprakisht në përfundimin se viktimat e varrit të zbuluar kishin vdekur në fazën e hershme të përhapjes së sëmundjes, e cila mori qindra e mijëra jetë njerëzish në Angli në shekullin XIV.