Një helikopter ushtarak turk natën e të hënës duke u gdhirë e marta shkeli hapësirën ajrore të Greqisë. Helikopteri fluturoi mbi ishujt Imia, Farmakonisi, Agatonisi, Kalolimnos dhe iu afrua ishullit Kalymnos.

Gjysmë ore më vonë dy gjuajtës grekë u ngritën në ajër pas alarmit dhe u përpoqën në lartësi të ulët të kapin helikopterin, por ai arriti të largohet nga kufijtë e Greqisë.

0Autoritetet greke e vlerësojnë incidentin si "shumë serioz", sepse Turqia nuk ka fluturuar në këtë zonë për 17 vjet, që nga viti 1996, kur ndodhi konflikti mbi ishullin Imia.