Belgët për nga vëllimi i kursimeve janë më të pasurit ndër gjithë banorët e Bashkimit Europian, njoftoi të enjten gazeta "Le Soir". Sipas informacionit të botimit, në Belgjikë kursimet mesatare për familje arrijnë në 67.158 €.

Bazuar në këtë tregues banorët e Mbretërisë së Belgjikës ndiqen nga shtetasit e Holandës (61.219 €), Luksemburgut (60.366 €), Francës (41.407 €) dhe Gjermanisë (38.702 €).

Ndërkohë, sipas një studimi të përbashkët të kohëve të fundit të Institutit francez të hulumtimit të opinionit publik "Ipsos" me kanalin televiziv RTL-TVi dhe gazetën "Le Soir", 2.3 milionë prej pak më shumë se 11 milionë belgëve aktualisht jetojnë përtej pragut të varfërisë.