Byroja Federale e Hetimeve të SHBA-ve për disa vite me radhë ka mbikëqyrur aktoren Marilyn Monroe, duke dyshuar për lidhjet e saj me njerëz, të cilët ishin dashamirës të ideologjisë komuniste. Materialet mbi survejimin e aktores janë bërë publike për herë të parë pa censurë.

Shumica e dokumentave lidhen me udhëtimin e Monroe në Mexico City në vitin 1962, ku ajo u shoqërua nga Frederick Vanderbilt Field. Ai ishte nga një familje e pasur, por u fshi nga lista e trashëgimtarëve për shkak të pikëpamjeve të veta të majta.

Në kundërshtim me çka pritej, dokumentet nuk sjellin fakte të reja mbi vdekjen misterioze të Marilyn Monroe.