Banorët e fshatrave të vendosura në afërsi të bazës së Forcave Ushtarake Ajrore të SHBA-ve Kadena Air Force Base, në prefekturën japoneze të Okinawa-s, do të kërkojnë nëpërmjet gjykatës që të ndërpriten fluturimet e avionëve ushtarakë gjatë natës si dhe një kompensim me shumë prej 2.7 milionë $ për dëmet shëndetësore të shkaktuara prej zhurmës të vazhdueshme.

Sipas të dhënave të Ministrisë japoneze të Mbrojtjes, në bazat ushtarake të SHBA-së në Japoni dislokohen në mënyrë konstante rreth 20.000 trupa ushtarake amerikane, 140 avionë luftarakë amerikanë dhe rreth 30 njësi të Forcave Ushtarake Detare amerikane, duke përfshirë edhe aeroplanmbajtëset.