Moska e sheh si një sinjal alarmant militarizimin e tepërt të kufirit turko-sirian, deklaroi Zëdhënësi i Ministrisë së Jashtme ruse Aleksandër Llukasheviç, duke komentuar informacionin mbi kërkesën e autoriteteve turke drejtuar NATO-s për të vendosur sistemin e mbrojtjes antiraketore "Patriot" në kufirin me Sirinë.

"Ky është një sinjal alarmi dhe këshilla jonë për homologët turkë ka krejtësisht tjetër orientim - të përdorin ndikimin e tyre në radhët e opozitës siriane në mënyrë që të stimulojnë fillimin e një dialogu mbarësirian e të mos demonstrojnë lojën me muskujt dhe t’i japin me këtë situatës një drejtim të rrezikshëm", - tha ai.