Biologët amerikanë realizuan një eksperiment me minjtë laboratorikë, i cili tregoi se ngrënia e kufizuar me kohë mund të jetë më e dobishme për ruajtjen e linjave të trupit sesa aksesi 24 orësh në produktet ushqimore, madje edhe gjatë konsumit të kalorive të barabarta. Rezultatet e studimit të hulumtuesve nga Shtetet e Bashkuara i publikoi revista “Cell Metabolism”.

Pasojat për shëndetin nga marrja e ushqimit në mënyrë të çrregullt mund të jenë pjesërisht edhe rezultat i mospërputhjes mes bioritmit të organizmit të njeriut dhe orareve të ngrënies, zbuluan studiuesit.

Shkencëtarët mendojnë se ngrënia e vakteve ushqimore në orar të caktuar duhet të shndërrohet në mënyrë jetëse për ata që duan të heqin kilet e tepërta.